Депутат: Қазақстанның цифрлық әлеуетін дамытуға мүмкіндігі көп

Мемлекет басшысы Қасым-Жомарт Тоқаевтың «Turkistan» газетінде жарияланған сұхбатын кезекті Жолдау деуге келеді. Осылай деген Мәжіліс депутаттары ел экономикасының өсімі мен инвестиция көлемі көңіл қуантатынына тоқталды. Ал IT саласындағы жаңа мүмкіндіктер жаһандық жаңғыруға жол ашатынын айтты.
Мұқаш Ескендіров, ҚР Парламентінің Мәжіліс депутаты:

Қазақстанды осы жуық арада тұрақты болашаққа дамыту жөнінде өз көзқарасын айтып өтті. Экономиканың темпі жаман емес, өте жақсы басқа мемлекеттерге қарағанда. Қиын жағдайға, халықаралық жағдайға қарамастан 313 млрд АҚШ доллары болып отыр ЖІӨ-нің көлемі. Менің ойымша бұл өте жақсы көрсеткіш.

Қазақстанның да цифрлық әлеуетті дамытуға үлкен мүмкіндігі бар. Мынау Astana Нub төңірегінде жасалып жатқан IT стартаптардың әлеуеті жоғары. Бұл тек қана Қазақстанның нарығына ғана емес, әлемдік нарыққа арналған жобалар шығуда. Президентіміз мынау сұхбатта бұған тоқталып өтті.