Қазгидромет: 7 қалада ауа сапасы нашарлайды

«Қазгидромет» бүгін бірқатар өңірлерде қолайсыз метеорологиялық жағдай болуы ықтимал екенін ескертеді. Атап айтсақ: Астана, Алматы және Қарағанды, Теміртау, Балқаш, Жезқазған, Ақтөбе қалаларында ауа сапасы нашарлайды. Бұл ауада ластаушы заттардың жиналуына себеп болатын қысқа мерзімді табиғи фактор. Демек метеорологиялық жағдай тым ұзақ тұман болғанда, әлсіз жел немесе мүлдем желдің болмауы салдарынан, инверсия әсерінен туындайды.