Президент елдің стратегиялық жоспарын айқындап берді

Мемлекет басшысы «Түркістан» газетіне берген сұқбатында елдің стратегиялық жоспарын айқындап берді. Былтыр атқарылған ауқымды жұмыстарға тоқталып, алдағы ауқымды жоспарлармен бөлісті. Бұл – сұқбатқа қатысты қоғам белсенділері мен зиялы қауым өкілдерінің пікірі.

Нұрдәулет Алдашев, Қ.Жұбанов атындағы Ақтөбе өңірлік мемлекеттік университетінің оқытушысы:

Бұл Қазақстанның ішкі саясатына қатысты стратегиялық жоспар. Бұл да үлкен мәселе. Себебі қандай мемлекет болмасын, қоғамның ішкі идеологиялық саясатын басты назарда ұстауы қажет. Қазіргі уақытта елдің көптеген мәселелері жүзеге асырылып жатыр. Бұл туралы Президент өз сұқбатында айтып өтті. Әсіресе қазіргі уақытта қоғамда болып жатқан үлкен күрделі процестердің халыққа жеткізіп, түсіндіріле білуі.