Елші: Таиланд елінен келетін туристердің саны артпақ

Таиланд азаматтарының Қазақстанға қызығушылығы артып келеді. Оған екі ел арасында ашылған жаңа тікелей рейс себеп. Бұл туралы Қазақстандағы Таиланд Корольдігінің Елшісі Пияпин Нийомреркс журналистермен және турагенттік компания басшыларымен өткен кездесуде айтты. Жалпы, екі ел қарым-қатынасына 30 жылдан асты. Бүгінде Қазақстан мен Таиланд арасындағы тауар айналымы шамамен 100-200 миллион АҚШ долларына тең.

Пияпин Нийомреркс, Қазақстандағы Таиланд корольдігінің төтенше және өкілетті елшісі

2024 жылы Таиландқа шамамен 200 мыңға жуық қазақстандық турист барған. Ал Қазақстанға шамамен 5 мыңдай Таиланд азаматы саяхаттаған. Бұл көрсеткіш арта түседі деп сенемін. Себебі жақында Thai AirAsia X әуе компаниясы Алматы – Бангкок бағыты бойынша жаңа рейс ашты. Бұл лоукостер Таиландта кең ауқымды жарнамалық науқандар жүргізді. Компания басталғалы бері тайлықтардың Қазақстанға деген қызығушылығының артқанын байқауға болады.