Президент 1 жылда 95 заңға қол қойды

Елімізде жүзеге асырылып жатқан барлық реформа мен бастамалар заңмен бекітіліп жатыр. Олардың қатарында Бюджет, Салық, Су кодекстерінің жаңа редакциялары мен «Жасанды интеллект туралы» Заңды ерекше атап өтуге болады. Президенттің көмекшісі – баспасөз хатшысы Руслан Желдібайдың хабарлауынша, биыл Мемлекет басшысы барлығы 95 Заңға, 388 Жарлыққа, 80 Өкімге, 22 отырыс хаттамасына, 3504 қызметтік құжатқа қол қойды. Халықаралық кездесулер кезінде жалпы сомасы 70 миллиард доллардан асатын коммерциялық келісімдер жасалды. Бір жыл ішінде Президент өңірлерге және шет мемлекеттерге жасаған сапары барысында 168 960 шақырым жол жүрді. 252 сағат уақытын ұшақта өткізді.