Халық пікірі: Қай салада елеулі серпіліс болды?

Биыл әлеуметтік және экономикалық салаларда бірқатар оң өзгерістер болды. Туризм, тұрғын үй, білім және ғылым, өнеркәсіп бағытында ілгерлеу бар. Бұл халықтың тұрмысына қаншалықты әсер етті? Елордалықтардың пікірін білген едік, тыңдап көрейік.

Туризм саласы да дамып келеді. Әсіресе, қазір қазақстандықтар өзіміздің елімізде саяхаттағанды жақсы көреді. Көрдіңіз ғой футболға жанкүйерлер басқа шетелдерден де келді. Концерте де солай өзге мемлекеттерден жақын жердегі ТМД-дан да келіп жатты.

Қазақстанда көп нәрсе қолға алынып, дамып жатыр ғой. Соның ішінде баспана жайлы «Наурыз» бағдарламасы бар, «7-20-25» бағдарламасы бар. Солардың бәрі жаңалықтарын әкеп жатыр. Кішкентай қызым үй алды пайызы төмен.

Білім саласындағы кейбір өзгерістерге көңілім толады. Жастардың, орта мектепті бітірге балалардың білім алуына жағдай жасалып жатыр. Түрлі оқу орындары ашылып жатыр, шетелдермен байланыс болып жатыр дегендей.
Қазақстанда өндірілетін маркалар бойынша, жақсы жеңілдетілген бағдарламалар болып жатыр. Лизинг бойынша да көбісіне ыңғайлы болып жатыр. Арендаға алады және соны төлеп отырады.