Болашақ бір палаталы Парламенттің заң шығару қызметі талқыланды

Астанада Мемлекеттік кеңесші Ерлан Қариннің төрағалығымен Парламенттік реформа жөніндегі жұмыс тобының кезекті отырысы өтті. Жиында болашақ бір палаталы Парламенттің заң шығару қызметі талқыланды. Ерлан Қарин бұл реформа «Күшті Президент – ықпалды Парламент – есеп беретін Үкімет» қағидатына негізделген саяси жаңғырудың жалғасы екенін айтты. Басқосуда заң шығару жұмысының тиімділігі мен сапасын арттыру жолдары қаралды. e-Otinish пен eGov платформалары арқылы азаматтардан 400-ден астам ұсыныс түскен. Барлық бастамалар сарапшылармен бірлесіп жүйеленіп, жан-жақты талданып жатыр. Жұмыс тобы заң шығару үдерісін жетілдіру жұмыстарын кезең-кезеңімен жалғастырады. Сондай-ақ Мемлекеттік кеңесші талдау жұмыстарына назар аударып, ұсыныстардың сапалық тұрғыдан жақсара түскенін жеткізді. Жиында парламенттік реформа саяси жаңғырудың маңызды кезеңі екені, оның заң шығару процесін одан әрі дамытуға бағытталғаны айтылды.