Биыл 13 мың шақырым автокөлік жолын салу және жөндеу жұмыстары жүргізілді

Елімізде биыл 13 мың шақырым автокөлік жолын салу және жөндеу жұмыстары басталды. Жаңа жолдардың ұзындығы - 1,9 мың шақырым. Бұл туралы Президенттің көмекшісі - баспасөз хатшысы Руслан Желдібай әлеуметтік желідегі парақшасында жариялады. Стратегиялық тұрғыдан маңызды күрежолдар қатарында Орталық – Батыс автомагистралы, Қарағанды - Жезқазған, Ақтөбе - Ұлғайсын, Атырау - Доссор учаскелері бар. Мемлекет басшысының тапсырмасымен Зайсан, Катонқарағай және Кендірліде үш жаңа әуежай құрылысы басталды. Арқалық әуежайын қалпына келтіру жұмыстары қолға алынды. Сондай-ақ, Қызылжар – Мойынты екінші жолының, Алматы маңындағы айналма жолдың, Дарбаза - Мақтаарал және Бақты – Аягөз жаңа теміржол желілерінің құрылысы жүріп жатыр. Ел аумағындағы 124 вокзалға күрделі жөндеу, жаңғырту жұмыстары жүргізілуде.