Түркістанда үйінен алтын ұрлаған келін ақшаны құмар ойынға жұмсаған

Түркістанда полицейлер үйінен алтын ұрлаған келінді ұстады. Полиция басқармасына арызданған жергілікті тұрғын өз үйінен алтын бұйымдары мен қаражатының ұрланып жатқанын хабарлаған. Осыдан кейін жедел уәкілдерден арнайы топ құрылып, тергеу амалдары жүргізілді. Нәтижесінде ұрлыққа күдікті ретінде үй иесінің келіні анықталды. Ол биыл мамыр айынан бері үйден түрлі мөлшердегі алтын әшекейлер мен қолма-қол ақшаны жасырын түрде ұрлап келген екен. Сөйтіп жәбірленушіге 8,5 млн теңге көлемінде шығын келтірген. Ал ұрланған алтын бұйымдарды ломбардқа өткізіп, түскен ақшаны түгелдей құмар ойындарға жұмсапты. Қазіргі таңда аталған дерек бойынша сотқа дейінгі тергеу амалдары жүргізілуде.