Бауыржан Момышұлына «Халық қаһарманы» атағы берілді

Президент Бауыржан Момышұлына «Халық қаһарманы» атағын беру туралы шешім қабылдап, Жарлыққа қол қойды. Қасым-Жомарт Тоқаев халқымыздың даңқты қолбасшыны қаһарман тұлға ретінде құрмет тұтатынын айта келе, әйгілі батырға ресми түрде «Халық қаһарманы» атағы бұған дейін берілмегенін еске салды. Мемлекет басшысы Жамбылда облыс жұртшылығы, зиялы қауым өкілдері, тіпті жастардың осы мәселені көтеріп жүргенін біледі. Тарихи әділдікті қалпына келтіру керек деп, елге ерлігімен танылған, еңбегі сіңген азаматтарын бағалай білген жұрт ешқашан ұтылмайды деп сөзін түйіндеді.