Кәсіптік білім беру жүйесінде жасанды интеллект қолданылады

Ақтөбеде Жұмысшы мамандықтар жылына орай ұйымдастырылған конференцияда жасанды интеллектті кәсіптік және техникалық білім беру ұйымдарында қолдану жолдары талқыланды.

Шараға еліміздің батыс өңірінен және Астана, Көкшетау, Түркістан қалалаларынан 300-ден аса студент онлайн режимінде қатысты. Қазір өңірдегі бірнеше колледжде оқу процесіне жаңа технологияны енгізуге алғашқы қадамдар жасалды. Оқытушылар мен студенттер озық идеяларын жинақтап, зерттеу жұмыстарын жүргізіп жатыр. Ақтөбе құрылыс-техникалық колледжі ұйымдастырған конференция барысында инженерлік технологиялар, құрылыс саласында жасанды интеллектіні қолдануға қатысты тың жобалар таныстырылды.

Асқар Аймұқатов, педагогика ғылымдарының кандидаты:

Бірқатарын біз жазып алдық. Ғылыми жоба болғасын олар негізінен қорытындылап, ұсынысқа берген заттары бар және макеттерін жасағандары бар. Жұмыс істейтін макеттері бар. Соларды болашақта қолданысқа алуға болады деп ойлаймын.