Тұрғындар биыл жаңадан 1 млн депозит ашты

Қазақстандықтар «Отбасы банктен» бір жылда 1 миллион жаңа депозит ашты. Бұл рекордтық көрсеткіш. Бұрын жыл сайын орта есеппен тек 600 мыңға жуық жинақ болған. Ал депозиттердің көлеміне келсек, тұрғындар шамамен 3 жарым миллион теңгені баспана алу үшін жинап жатыр. Әсіресе, «Наурыз» бағдарламасына өтінім бергендер көп. Бүгінге дейін 15 мыңнан астам адам осы ипотеканың арқасында қоныс тойын атап өтті. Ал «Наурыз Жұмыскер» бағдарламасы арқылы 2 жарым тұрғын баспаналы болды. Бағдарламаға 1 мың кәсіпорын қызметкері мен 8 мыңнан астам мамандық иесі қатыса алады.