Президент Tanym көпфункционалды кешенін аралап көрді

Жоба оқушыларға заманауи білімді, технологияны, мәдениет пен спортты қолжетімді етуге бағытталған. Қазір кешенде 100-ден аса жоғары білікті педагог жұмыс істейді.

Президент New Generation School Astana ғимаратына барды

Мұнан соң Мемлекет басшысы New Generation School Astana ғимаратына барды. 1320 оқушыға есептелген мектеп жаратылыстану-математика және әлеуметтік-гуманитарлық бағыттарында білім береді. Қасым-Жомарт Тоқаевқа мектеп құрылысының бизнесті мемлекеттік қолдау шаралары аясында бой көтергені жөнінде баяндалды. Қаржының 40 пайызын «Даму» қоры кредит ретінде бөлген.

Айта кетейік, бұған дейін Мемлекет басшысы индустриалдық паркте орналасқан Tausogar мен Besqaru зауыттарына барып, жұмыс барысымен танысты. Сондай-ақ өңдеу өнеркәсібі кәсіпорындарының көрмесін аралады.