Мемлекет басшысы Әзербайжан президентін құттықтады

Мемлекет басшысы Әзербайжан Президентімен телефон арқылы сөйлесті. Қасым-Жомарт Тоқаев Ильхам Әлиевті туған күнімен құттықтап, оның бауырлас әзербайжан халқының игілігі жолында атқарып жатқан жауапты мемлекеттік қызметіне табыс тіледі. Президенттер қазақ-әзербайжан қатынастары қарқынды дамып келе жатқанын, серіктестікті одан әрі нығайта түсу керегін атап өтті. Ильхам Әлиев қазан айында Қазақстанға мемлекеттік сапармен келгені белгілі. Сол кезде қол жеткізген уағдаластықтарды сапалы жүзеге асыру туралы талқылады. Сондай-ақ, әлемдегі өзекті мәселелер жөнінде пікір алмасты.