Бизнеске арналған жаңа бірыңғай платформа ашылуы мүмкін

Енді барлық кәсіпкердің бизнесі туралы ақпарат, онда жасалған операциялар мен олардың тарихы жаңа бірыңғай платформаға енгізілуі мүмкін. Қазіргі таңда бұл жоба талқыланып жатыр, дейді Ұлттық экономика министрлігі. «Бизнестің цифрлық картасы» деп аталатын экожүйе бизнестің мемлекетпен өзара іс-қимыл процестерін жеңілдетуді көздейді.

Азат Қанатбеков, ҚР ҰЭМ Кәсіпкерлікті дамыту саясаты департаментінің бас сарапшысы:

«Бизнестің цифрлық картасы» кәсіпкерлік бойынша ұлттық экожүйенің орталық элементіне айналып, қызметтер мен қолдау шараларын алу үшін бірыңғай цифрлық терезені, мемлекеттік қолдау құралдарының барлығын көрсетудің ашықтығы мен адрестілігін, әкімшілік рәсімдерді және оларды көрсету мерзімдерін қысқартуды, сондай-ақ бизнестің мемлекеттік институттарға деген сенімін арттыруды және инвестициялық белсенділіктің өсуін қамтамасыз етуін қарастырады.