Биыл 670 мыңнан астам адам жүргізуші куәлігін алған

Елімізде жыл басынан бері 670 мыңнан астам адам көлік басқару құқығына ие болды. Бұл туралы «Азаматтарға арналған үкімет» мемлекеттік корпорациясы мәлімдеді. Әсіресе қаңтар айында жүргізуші куәлігін алғандар көп.  Бұл айда 103 мыңнан астам құжат табысталған. Мекеме өкілдері қыста практикалық емтихан тапсыру жүргізушінің нақты әрі күрделі жағдайларға дайын екенін көрсетеді деген пікір барын айтады. Сандық мәлімет бойынша, жүргізуші куәлігі көктем айлары мен шілдеде де көптеп берілген.