Президент «Бәйтерек» ұлттық инвестициялық холдингінің басқарма төрағасын қабылдады

«Бәйтерек» ұлттық инвестициялық холдингі биыл ел бойынша 25 мыңға жуық жобаны қаржыландырды. Президенттің қабылдауында болған холдинг төрағасы Рустам Қарағойшин осылай деді. Бір жыл ішінде холдинг ел экономикасына жалпы сомасы 9 триллион теңге қолдау көрсеткенін айтты. Қаражат бизнеске, агроөнеркәсіп кешенін дамытуға, тұрғын үй құрылысы мен ипотекалық несиелерге бағытталған. Президент инвестициялар тарту және экономиканың нақты секторын қаржыландыру аясын кеңейтудің маңызын атап өтті.

Рустам Қарағойшин, «Бәйтерек» ұлттық инвестициялық холдингінің басқарма төрағасы:

Даму қорының аясында екі кепілдік беру қорының құрылғаны бойынша ақпарат берілді. Олардың нәтижесімен және осы жылдық қорытынды айтылып өтті. Холдингтің ары қарай нақты секторды қаржыландыру және инвестициялық жобаларды іске асыру бойынша тапсырма берілді.