Соғыста қаза тапқан 2 жауынгердің сүйектері елге жеткізілді

Екінші дүниежүзілік соғыста қаза тапқан қазақстандық жауынгерлердің сүйектері туған жеріне жеткізілді. Тиісті рәсім Ұлттық әскери-патриоттық орталығында өтті. Майданда мерт болғандардың денелері Ресей аумағында табылған. Оның бірі – 1917 жылы дүниеге келген Байбола Рахметов. Жауынгерді іздеумен «Обелиск» жасағы айналысқан. Ол 1101 атқыштар дивизиясының 356 атқыштар полкінде зеңбірек көздеушісі болған. «Қызыл Жұлдыз» орденімен марапатталған. Ал екінші майдангер –  1921 жылы Оңтүстік Қазақстан облысында дүниеге келген. Оны «Псковский рубеж» іздестіру бірлестігінің мүшелері Псков облысы Турки-Перевоз ауылының маңынан тапқан. Енді екі жауынгер де ата жұртында қайта жерленеді.

Базаркүл Алтайбаева, Байбола Рахметовтің немересі:

Топырағы тартып, атамыздың ата жұртына келіп жатқанына қатты қуаныштымын. Толқып тұрмын... Не айтатынымды да білмеймін. Өзі бір шаңырақтан 8 ұл болған. Соның бәрін Ұлы Отан соғысына алып кеткен. Содан қайтқан осы кісі ғана. Бәріне үлкен рахмет айтамын. Өте қуаныштымын!