Ақтөбеде «Таза Қазақстан – ортақ жауапкершілік» форумы өтті

Ақтөбелік экологтар оқушылармен кездесті. «Таза Қазақстан - ортақ жауапкершілік» деп аталған форумға өңірдегі ірі компаниялардың өкілдері де арнайы келген.

Жиналғандар қоршаған ортаны одан әрі қалай жақсартуға болады деген тақырыпта ой бөлісті. Оқушылардың озық идеяларын жүзеге асыру жолдары талқыланды. Тұрмыстық қалдықтардан жасалған бұйымдар көрмесі де ерекше қызығушылық тудырды. Мамандар оқушылар дайындаған «Эко қала» жобасын іс жүзінде жүзеге асыруға болатынын ерекше атап өтті.

Жасұлан Жанайдаров, мектеп директоры:

«Таза Қазақстан» акциясына қатысудан басқа балалар республикалық байқауларға да қатысып, жүлделі орындар алып жүр. Сонымен қатар іште «Эко әлем» қозғалысы іске асырылады.