Авторларға қаламақы төлеудің жаңа ережелері қаралды

Авторларға қаламақы төлеудің жаңа ережелері қаралды. Әкімшілік әділет жөніндегі пікірталас клубының отырысында кассациялық сот және мемлекеттік мекемелердің өкілдері тақырыпты кеңінен талқылады. Еске салсақ, жуырда Сенат тиісті заңды мақұлдаған еді. Қазір қоғамдық ұйымдар әкімшілік шығындары үшін табыстың 30 пайызын ұстап қалып, қалған 70 пайызын авторға төлейді. Ал жаңа норма күшіне енсе, 80 пайызын беруге міндеттеледі. Заң 2026 жылы күшіне енбек. Бүгінгі отырыста судьялар жаңа норма жөнінде пікір алмасты. Сондай-ақ авторлық құқыққа қатысты жиі кездесетін даулы мәселелерді қарап, өзара тәжірибе алмасты.

Айбек Амангелдин, қалалық мамандандырылған ауданаралық әкімшілік сотының судьясы:

Қазіргі таңда қарқынды дамып жатыр зияткерлікті қорғау саласы. Неге? Өйткені, біздің экономикамызға маңызды. Инвесторлар келеді, жаңа инновациялар ашылады. Осы биылдан бастап Қазақстан Республикасы Зияткерлік меншік ұйымына толыққанды мүше боп сайланды. Ол бізге әрине мәртебе, үлкен жауапкершілік жүктейді.