БҚО екі ауданында мал сорға батып, қырылып қалды

Батыс Қазақстан облысында екі ауданда жылқылар сорға батып, қырылып қалды.

Жәнібек ауданы ішкі саясат бөлімінің хабарлауынша, Ақоба ауылдық округінде бір шаруа қожалығының 50 бас ірі қара малы сорға түсіп кеткен. Оның 39-ы өліп, 11 сиыры құтқарылған. Казталов ауданында да бірнеше үйір жылқы сорға батқан. Әуесқой видеода мал иесі 20 бастың қырылғанын айтады. Қазір аудандардағы мал шығыны есептеліп жатыр. Төрт күн бұрын өңірде боран болып, оңтүстік аудандарда қалың қар жауған еді.