Ұлытау облысының Қаражал қаласы жарықсыз қалды

Ұлытау облысы Қаражал қаласының тұрғындары тәулік бойы жарықсыз отыр. Қатты желдің кесірінен тоқ желілері үзіліп, шаһардағы 385 ғимарат жарықсыз қалған. Оның бесеуі әлеуметтік нысандар. Электр қуатының жоқтығынан жылу жүйесі де істен шыққан. Облыс әкімдігінің айтуынша, қаладағы электр желілеріне жауапты компания жарықты қалпына келтіруден бас тартқан. Себебі компанияның не қызметкері, не арнайы құрылғысы болмаған. Сол үшін де жөндеу жұмыстары ұзаққа созылып жатыр. Жауаптылар алдағы бірнеше сағатта электр энергиясы қосылады деп сендірді.

Негізгі себеп электр желілеріндегі ауа райына байланысты ақаулар. Қазіргі таңда жарық қаланың жартысына берілді. Жедел штаб құрылып, сол жерге Жәйремнен, Жаңаарқадан, Жезқазғаннан мамандар жұмылдырылып жөндеуге байланысты шаралар қолдануда.