Атыраудағы оқиға: Шығын әлі есептеліп жатыр

Атырау облысындағы қар аралас жаңбыр мен дауылдан кейін шығын әлі есептеліп жатыр. Еске салсақ, осыдан 3 күн бұрын табиғат тосын мінез танытып, өңірде 24 ғимараттың қасбеті мен шатырын ұшырып әкеткен еді. Ұшқан шатыр бөлшектері ауладағы көліктерді де зақымдады. Қалпына келтіру жұмыстары үшін резервтік қордан қаражат бөлінеді. Кепілдік мерзімі аяқталмаған нысандарды мердігер ұйым жөндейді. Ал зақымданған көлік иелерінің мәселесі сақтандыру компаниялары арқылы шешілмек.