Ақылы жолдардағы төлем тәртібі жеңілдейді

Көлік министрлігі ақылы жолдардағы төлем тәртібін жеңілдетпек. Қазіргі ереже бойынша жүргізуші ақылы жолдың ақшасын бір апта ішінде төлемесе,  келесі күні іс материалдары көліктік бақылау органдарына жіберілетін. Енді жаңа өзгерістерге сәйкес, жеке тұлғаларға төлем жасауға бір ай уақыт беріледі. Егер осы мерзімде төлем жасалмаса, материалдар 31-күні ғана әкімшілік тәртіппен қарауға жолданады. Министрліктің мәліметінше, бұл жаңашылдық жүргізушілерге ыңғайлы жағдай жасап, әкімшілік жауапкершілікке тартылу қаупін азайтуға бағытталған.