Ақтөбе әуежайы миллионыншы жолаушысын қарсы алды

Әлия Молдағұлова атындағы Ақтөбе халықаралық әуежайының бір жылдағы жолаушыларының саны алғаш рет миллионан асты. Бүгін Астанадан Ақтөбеге келіп қонған ұшақты өңір жұрты ерекше ықыласпен қарсы алды.

Ұшақтан түскен жолаушылардың ішінде кімнің миллионыншы екені жеребе арқылы анықталды. Көп ішінен елордадан жарыстан қайтып келе жатқан Сенім есімді оқушының жолы болды. Оған смартфон мен Астана қаласына тегін ұшып барып келуге арналған билет сертификаты табысталды. Биыл Ақтөбе әуежайынан барлығы 4449 рейс ұшқан. Жолаушылар саны жыл сайын артып келеді.

Салтанат Сайлыбаева, әуежайдың бөлім басшысы:

Бұл күн Ақтөбенің және әуежайымыздың тарихында қалады. Өйткені алғаш рет миллионыншы жолаушыны қарсы алдық. Әуе компанияларымен тығыз байланыс орнатып, авиациялық инфрақұрылымды дамыту арқылы осындай жетістікке жетіп отырмыз.