Қарағанды облысында газ баллоны жарылып, 2 адам қаза тапты

Қарағанды облысындағы дәмханалардың бірінде газ баллоны жарылып, 2 адам қаза тапты. Тағы 11 адам түрлі дене жарақатымен ауруханаға жеткізілді. Оқиға Шет ауданына қарасты Мойынты станциясында болған. Дәмханалардың біріндегі газ баллон жарылып, 300 шаршы метр аумақ өртке оранды. Құтқарушылар отты толық сөндіріп, апат жағдайын анықтауда. Дәрігерлердің айтуынша, 8 науқастың жағдайы орташа, ал бір адамның жағдайы ауыр. Тағы екі адам амбулаториялық ем қабылдауда.