БҚО-да елік атқандар ұсталды

Батыс Қазақстан облысында сирек жануарларды атып алған браконьерлер ұсталды. Облыстық табиғат қорғау полициясы мен Теректі аудандық полиция бөлімінің қызметкерлері тексеру кезінде жеңіл көліктен екі аңшы мылтығы мен төрт еліктің етін тапқан. Көлікте 4 адам болған. Заңсыз аңшылық құрған күдіктілердің заттай айғақтары тәркіленді. Оқиға Шағатай ауылдық округінің орман алқабын күзету кезінде анықталды. Қылмыстық іс қозғалып, тергеу амалдары басталды. Өңірде «Киік» акциясы жалғасып жатыр. Он күнде 23 әкімшілік және бір қылмыстық құқықбұзушылық тіркелді.