Қостанай облысында күн электр станциясы іске қосылды

Қостанай облысының Варваринка ауылында өңірдегі алғашқы күн электр станциясы іске қосылды. Жоба мемлекет басшысы міндеттеген жаңартылған энергия көзін дамытуға бағытталған. Нысанының жалпы қуаты – 22,6 МВт. Инвестициялық жобаға 7 млрд теңгеден  аса қаржы тартылды. Жаңа станция өңірдің энергетикалық қауіпсіздігін нығайтып, экологиялық жағдайды оңалтуға мүмкіндік береді. Бүгінде облыста бұл салада барлығы 560 млрд теңгеге 6 ірі инвестжоба іске асырылып жатыр. 

Құмар Ақсақалов, Қостанай облысының әкімі:

6 жоба толық іске асса, өңірдегі бүгінгі көрсеткіш бірден 10 есеге артпақ. Яғни қазір біз өндіріп отқан 0,12 ГВт-тан 1,2 ГВт-қа жетеді. Бұл облыстың тұтыну көлемін толық жабады.