БҚО-да ұялы байланыс операторларына ₸38 млн айыппұл салынды

Батыс Қазақстан облысында ұялы байланыс операторларына 38 млн теңге айыппұл салынды.

Өйткені кей аумақтарда интернет желісі мен байланыс сапасы нашарлаған. Жалпы, облыста 405 ауыл болса, солардың 85%-ы интернет желісімен қамтылған. Биыл байланыс операторлары Орал, Ақсай қалалары мен 30 елді мекенде жаңа базалық станциялар орнатып жатыр. Сондай-ақ 225 ауылда қолданыстағы станцияларды жаңарту жоспарланған. Мамандар қала мен ауыл-аймақта ұялы байланыс қызметінің сапасын тексерген. Байланыс операторларына сараптамалық ақпарат жолданып, қызметті жақсартуға ұсыныс берілген.

Нұрғиса Камашев, облыстық Цифрлық технологиялар басқармасының басшысы:

21 жоспардан тыс тексеру жүргізілді. Нәтижесінде байланыс операторларына 38,2 млн теңге көлемінде әкімшілік айыппұл салды. Оның ішінде Beeline, яғни «Кар-Тел» компаниясына 26,4 млн теңге, Tele2/Altel компанияларына 11,8 млн теңге.