Ұлытау облысында «Таза қала» экологиялық сабақтары өтті

Ұлытау облысы Қаражал қаласындағы жалпы білім беретін мектептерде бір мезетте «Таза қала» тақырыбында экологиялық сабақтар өткізілді.

Шара «Таза Қазақстан» жобасы аясында ұйымдастырылды. Сабақта оқушыларға тұрмыстық мәдениет, қоқысты дұрыс сұрыптау, қоршаған ортаға ұқыпты қарау дағдысы түсіндірілді. Сонымен қатар Жезқазған қаласында «Экология және жастар белсенділігі» атты кездесу өтті. Басқосуда жастар арасында экосана қалыптастыру мәселесі талқыланды. Екі шараның да мақсаты – өскелең ұрпақтың экологиялық мәдениетін арттыру, дейді ұйымдастырушылар. Жыл басынан бері Ұлытау облысында 13 облыстық және 17 қалалық сенбілік өткізілді.