Астанада «Қазақ тілі» қоғамының құрылтайы өтті

Астанада Халықаралық «Қазақ тілі» қоғамының құрылтайы өтті. Онда былтырғы жұмыс қорытындыланып, жоспарлар сараланады. Жиынға қатысқан Президент көмекшісі – Баспасөз хатшысы Руслан Желдібай қазақ тілінің қолданыс аясын кеңейту бағытындағы маңызды жобаларды атап өтті. Кейінгі үш жылда қоғам 60-тан аса республикалық және халықаралық іс-шара өткізген. Биыл Disney және Pixar студияларының фильмдерін қазақ тіліне аудару ісіне де ден қойылды. Әсіресе, анимациялық туындылар қаралым жағынан рекорд орнатты. Бұдан бөлек, биыл Мемлекет басшысының АҚШ-қа ресми сапары кезінде «Қазақ тілі» қоғамы мен OpenAI компаниясы ChatGPT-дің қазақ тіліндегі қызмет сапасын жақсарту жөнінде келісімге келген еді. Алдағы уақытта қоғам осындай халықаралық жобаларды көбейтуге күш салмақ.