Өзбекстанда да жолдар жабылды

Көршілес Өзбекстанда қолайсыз ауа райынан жолдар жабылды. Бірнеше күннен бері жауын тоқтаусыз құйып арты қарға ұласқан. Таулы аймақтарда сел жүру қаупі жарияланды.

Ауа райының күрт нашарлауына байланысты тау бөктеріндегі Қамшық асуы уақытша жабылып, көлік қозғалысы шектелді. Бұған қар көшкіні жүру қаупінің күшеюі себеп болып отыр. Жауын-шашынның мол түсуінен бірнеше облыста су тасқыны болу қаупі бар. «Узгидромет» осындай шұғыл хабарлама таратты. Еліміздің оңтүстігімен шектесетін Ташкент облысы, Қырғызстанмен іргелес Наманған мен Әндіжан аймақтарында сел қаупі сақталады. Төтенше жағдай қызметінің өкілдері тұрғындар мен саяхатшыларға тауға шықпау ескертілді.