Абай облысында өрт сөндіру бекеті ашылды

Абай облысы, Бородулиха ауданында жаңадан өрт сөндіру бекеті ашылды. Нысан қарағайлы орманның дәл іргесінде орналасқан Дмитриевка және Боровое ауылдарына қызмет ететін болады. Бұрын оқыс оқиға болып, орман өрті тұтанса көмек облыс орталығынан келетін. Енді жедел әрекет етуге ыңғайлы болды. Өрт сөндіру бекеті тәулік бойы жұмыс істейді. Қажетті заманауи құрал-жабдықтармен қамтылған. Жаңа техникасы бар. Нысан «Ауыл құтқарушылары» бағдарламасы аясында қолданысқа беріліп отыр. Облыста биыл осы сынды 9 жаңа өрт сөндіру бекеті ашылған. Алда 200 ге жуық бекет салу жоспарда.

Еліміздің барлық өңірлерінде, шалғай аудандарда өрт сөндіру бекеттері ашылып, оларды заманауи техникасымен жабдықтау жүргізіліп жатыр. Бұл жұмыс әлі де жалғасын табуда. Осы бекеттің ашылуы аймақтың тұрғындарының қауіпсіздігін қамтамасыз етудің маңызды бөлігі. Енді құтқарушылар төтенше жағдайға тез арада төтеп бере алады.