Атырауда зираттарды бүлдірген мектеп оқушылары ұсталды

Атырауда зиратты бүлдіргендер ұсталды. Тәртіп сақшылары мектеп жасындағы үш жасөспірімді қолға түсіріп, дереу бөлімшеге жеткізген. Еске салсақ, оқиға осыдан бір апта бұрын қала іргесіндегі Еркінқала ауылдық округінде болған еді. Бірнеше қабірдің айшықтарын сындырып, тіпті құлпытастарға дейін бүлдірген.

Қазір мамандар олардың мұндай әрекетке не үшін барғанын анықтап жатыр. Бір анығы — олар ішкі істер органдарына есепке қойылып, құжаттар жасөспірімдер ісі бойынша комиссияға жіберілмек. Сондай-ақ ата-аналары да жауапқа тартылады.