Басты Жаңалықтар Мораторий аяқталғанда АИ-92 маркалы бензин бағасы қанша пайызға қымбаттайды?

Мораторий аяқталғанда АИ-92 маркалы бензин бағасы қанша пайызға қымбаттайды?

07.12.2025 20:00

Үкімет қазанның ортасында бензиннің АИ-92 маркасының және дизельдің бағасына мораторий жариялаған. Алдағы жылдың наурыз айының соңына дейін деп, тез келетін уақыт болса да, нақты мерзімін атаған.

Яғни қазан айында АИ-92-нің бір литрінің бағасы қанша болса, сол қалуы керек еді. Алайда соңғы уақытта ірі жанар-жағармай бекеттерінде бейнелеп айтқанда «қатып тұруы» тиіс бағаға 5 теңгеге дейін қосылғанын жұрт бірден байқады.

Мысалы, Алматыдағы Sinooil бекеттерінде 8 қазанда баға 236 теңге болса, 1 желтоқсанда 241 теңгеге сатылған. Энергетика министрлігі «Олай істеген жанар-жағармай желілерін тексереміз, ал өздеріңіз call-орталықтарға хабарлап, шағым түсіріңіздер» дейді.

Автор

Аманкелді Сейтхан

Бөлісу