Алаяқтықтың жаңа түрі белең ала бастады

Алаяқтықтың жаңа түрі белең ала бастады. Енді жәбірленушілердің өзі байланысқа шығады. Бас прокуратураның дерегінше, қаскөйлер алдымен жеткізу қызметінен, басқарушы компаниялардың атынан хат жібереді. «Қате авторизация жасадыңыз» яки «домофонды ауыстыру қажет» деген сылтаумен азаматтардың өзі қайта қоңырау шалатындай айла-тәсілдер қолданады. Нәтижесінде, ештеңеден күдіктенбейтін тұрғындар кибералаяқтарға әлеуметтік инженерия құралдарын қолдануға рұқсат береді. Сақтану үшін беймәлім хат-хабарлар мен қоңырауларды мұқият тексеру қажет. Яғни ұйымдардың ресми сайтында көрсетілген телефон нөмірлерге қайта қоңырау шалып, анықтаған жөн.