Елімізде банктер үшін киберқауіпсіздіктің жаңа талаптары енгізілді

Банктерге киберқауіпсіздік бойынша жаңа талаптар енгізілді. Қаржы нарығын реттеу және дамыту агенттігі қауіпсіздіктің жаңартылған стандартын бекітті. Ережеге сәйкес, қаржы ұйымдары байланыс арналарын цифрлық жүйеге ауыстырып, файлдардағы өзгерістерді тұрақты бақылауға міндетті. Сонымен қатар құжатта қаржы ұйымдарының ғимараттарында қауіпсіздік шарасын күшейту, аудит журналдарын толық жүргізу және кибероқиғалар туралы жедел хабарлау тәртібі белгіленген. Клиенттерді сәйкестендіру жүйесіне де өзгеріс енгізілді. Енді биометриялық тексеру мен екі факторлы аутентификация негізгі талаптардың бірі болады. Қаулы 60 күннен кейін күшіне енеді.