Президент Еңбек және халықты әлеуметтік қорғау министрін қабылдады

Елімізде соңғы бес жылда 2,7 миллион адам еңбекке тартылды. Президенттің қабылдауында болған Еңбек және халықты әлеуметтік қорғау министрі Светлана Жақыпова осылай деп есеп берді. Биыл 10 айда атаулы әлеуметтік көмек алушылардың саны 30 пайызға азайған. Нәтижесінде ресурстарды шын мәнінде мұқтаж жандарға қайта бөлу мүмкіндігі пайда болды. Бұдан бөлек, Президентке базалық зейнетақы мөлшері ең төменгі күнкөріс деңгейінің 70 пайызына дейін ұлғайтылғаны туралы есеп берілді. Кездесу соңында Мемлекет басшысы жұмыспен қамту сапасын жақсартуға бағытталған бірқатар тапсырма берді.