Елімізде «Зорлық-зомбылыққа қарсы 16 күн» науқаны өтіп жатыр

Елімізде «Зорлық-зомбылыққа қарсы 16 күн» науқаны өтіп жатыр. Оған 10 мыңға жуық полиция қызметкері жұмылдырылған. Бұл туралы Орталық коммуникациялар қызметінде өткен брифингте айтылды. Науқан аясында республика көлемінде ақпараттық-түсіндіру жұмыстары ұйымдастырылады. Құқық қорғау органдары барлық ауыл-аймақты аралап, тұрмыста озбырлық көрген жағдайда қорғану үшін не істеу керегін айтады. Дағдарыс орталықтарына жүгінудің маңызын жеткізіп, онда қандай көмек көрсетілетінін жеткізеді. Айта кетсек, науқан 10 желтоқсанға дейін жалғасады.