Атырауда зираттарды бүлдірген күдіктілер іздестіріліп жатыр

Атырауда белгісіз біреулер зираттарды бүлдіріп кеткен. Қала іргесінде Еркінқала ауылындағы мұсылмандар зиратында бірнеше қабірдің айшықтары сынғаны анықталды. Тіпті, құлпытастарға дейін бүлінген. Ауыл тұрғындары полициядан аумақты тексеріп, мән-жайды анықтауды сұрап отыр. Күдіктілер іздестіріліп жатыр.

Дина Мақсотова, ПД Ақпараттық саясат бөлімінің аға испекторы:

Еркінқала ауылы маңындағы зираттарды сындыру дерегіне қатысты қылмыстық іс қозғалды. Қазіргі уақытта қылмысқа қатысы бар тұлғаларды анықтауға бағытталған жедел-іздестіру іс-шаралары жүргізілуде. Нәтижелері қосымша хабарланатын болады.