Оралда мүмкіндігі шектеулі адамдарға арналған жаңа спорт кешені ашылды

Оралда мүмкіндігі шектеулі адамдарға арналған жаңа спорт кешені ашылды. Жеке инвестордың қаржысына салынған ғимараттың жалпы ауданы – 2 мың шаршы метр. Заманауи кешен паралимпиялық және сурдлимпиялық спорт түрлерімен айналысуға бейімделген. Мұнда волейбол, баскетбол, пауэрлифтинг, бочча, садақ ату, дзюдо, грек-рим, еркін күрес, үстел теннисінен жаттығу залдары бар. Ғимаратта мүмкіндігі шектеулі жандарға арналған спорт клубы жұмыс істейді. Мұнда 20 спорт түрінен 250-ге жуық спортшы жаттығады. Олар түрлі бәйгеде топ жарып, жетістікке жетіп жүр.

Азон Шаймарданов, халықаралық дәрежедегі спорт шебері, ҚР еңбек сіңірген жаттықтырушысы:

Бізге осындай керемет спорт кешенін салып берді. Алғысымыз шексіз. Бұған дейін 5-6 орынды жалға алып, жаттығып жүрдік. Енді өз спорт залымыз бар. Болашақта қазіргіден да зор жетістіктерге жетеміз деп сенемін.