Электр энергиясының тарифі 7 жыл бойы өзгермейді

Елде енді электр энергиясының тарифі 7 жылға дейін өзгеріссіз қалады. Энергетика министрлігі «Электр энергиясына шекті тарифтерді бекіту туралы» бұйрық жобасын дайындады. Құжатқа сәйкес биылғы баға 2032 жылға дейін сақталады. Мұндай шешім Мемлекет басшысының тапсырмасына сәйкес макроэкономикалық тұрақтылықты сақтау мақсатында қабылданып отыр. Құжат 17 желтоқсанға дейін қоғамдық талқылауға шығарылды.