Болгарияда мыңдаған адам бюджет жоспарына наразылық білдірді

Болгария астанасы Софияда мыңдаған адам шеруге шығып 2026 жылдың бюджет жоспарына наразылық білдірді. Қаржылық құжат еуровалютаға негізделіп жасақталған. Демонстранттардың сөзінше, оның нәтижесінде салық көтеріліп, әлеуметтік қамсыздандыру жарналары өседі.

Қарсылық акциялары өзге қалаларда да өтіп, кейбір жерлерге полициямен қақтығысқа ұласқан. Манифестанттар тәртіп сақшыларына тас пен шөлмек атты. Әзірге зардап шеккендер туралы мәлімет түскен жоқ.

Айта кетсек, Болгария Еуропа одағының ортақ ақшасы еуроға 1 қаңтарда көшеді. Кейбір тұрғындардың ойынша, жаңа валюта ел тәуелсіздігіне қауіп төндіріп, инфляция деңгейін көтеруі ғажап емес.