Қарулы күштер қатарында 36 мың әскери отбасы бар

Қарулы күштердің Ұлттық әскери-патриоттық орталығында әскери қызметшілердің отбасыларымен жұмыс жүргізетін бөлімдердің жылдық қорытынды жиыны өтті. Жыл бойы ең үздік нәтиже көрсеткен мамандарға «Отан қорғаушының аяулы жары» төсбелгісі табысталып, алғыс хаттар тапсырылды. Бүгінде Қарулы күштер қатарында 36 мыңнан астам әскери отбасы бар. Ал гарнизондарда 157 үйірме мен секция жұмыс істейді. Онда әскери қызметшілердің үш мыңға жуық баласы түрлі шығармашылық және спорттық бағыттар бойынша тәрбиеленуде.