Ауғанстандағы гуманитарлық миссия: 13 қазақстандық дәрігер көмекке барды

31 тамызда Ауғанстан жеріндегі жойқын жер сілкінісінен 1400-ден астам қаза тауып, 3 мыңнан астам адам жарақат алған. Қарашаның басында Ауғанстанның солтүстігінде тағы да жер сілкініп 150 адам зардап шеккен. Осыдан кейін Ауғанстан жеріне Қазақстаннан 18 тонна гуманитарлық көмекпен бірге 13 дәрігер де барды. Құрамында травматолог, уролог, нейрохирург басқа да мамандар бар.

Нұрлан Досбол, Н. Бәтпеноватындағы ұлттық ғылыми травматология және ортопедия орталығының травматолог ортопеді:

Қарапайым міндетті түрде болуы керек медициналық инструменттердің өзі оларда жеткіліксіз. Дәрі-дәрмектер жеткіліксіз. Әсіресе, медициналық ота жасау кезінде қолданылатын аппараттар, наркоз, рентген аппараттарының жеткіліксіздігі бірден байқалады. Ондай жағдайда ота жасау өте ауыр.

Алғашқы күні олар дистанциямен жүрді. Әріптестер де, науқастар да. Қайдан келді, не істей алады дегендей. Үшінші күні бізді сырттан күтіп, науқастар рентгендерін көрсетіп «көріп берші» деп қаралды. Халық сене бастады. Бір күнде 3 операция жоспарласақ, 4-5 операция болуы мүмкін.

Қазақстандық дәрігерлер үш госпитальге бөлініп қызмет еткен. Науқастарды күнделікті қабылдаудан бастап,  ота жасап, ауған дәрігерлеріне дәрістер өткізген.

Нұрлан Досбол, Н. Бәтпеноватындағы ұлттық ғылыми травматология және ортопедия орталығының травматолог ортопеді:

Ең көп асқынулар сүйектің іріңдеуі болды. Іріңдеуіне бізде Илизаров аппаратын қоямыз. Яғни, жараны кеспей бірден спицалар арқылы сыртынан аппарат қоямыз да науқасты ертесінен бастап орнынан тұрғызып қимылдатып жүргіземіз.

Рустам Сәлімов Ауғанстанға барған дәрігерлердің ең жасы.Соған қарамастан күрделі оталар жасаған.

Рустам Сәлімов, Ұлттық шұғыл үйлестіру медицина орталығының урологы:

Мен өзім урологиялық көмек көрсеттім. Жүзден астам науқас қаралып көптеген рекомендация беріліп оның ішінде бірқатар күрделі операциялар да істелінді. Бүйректің травмалық жаралануы сол жерлерге біз ота жасадық. Барлық жасалынған оталар ойдағыдай сәтті өтті. Науқастар өздерінің алғысын білдіріп бірнеше күннен кейін үйлеріне аман-сау жіберілді.

Алмас Қыдыров, Ұлттық нейрохирургия орталығының нейрохирургі:

Шейх Заид госпиталінде болдық. Ол нейрохирургия және неврология саласында үлкен ауруханалардың бірі. Қабул қаласында. Онда 160-тан астам жатын орын бар.Нейрохирурия жағынан біз 12 ота жасадық.

Ұлттық нейрохирургия орталығынан да 3 дәрігер Ауғанстанға барып қайтқан.

Серік Кәрібаев, Ұлттық нейрохирургия орталығының операциялық бөлімше меңгерушісі:

Жұлынға жарақат болған операцияға қатынастық. Бас ми жарақат алған науқастар және бас ми ісік аурулары соларға көмек көрсеттік. Бір операция бес сағат болды.

Нұрәлі Әшіров, Ұлттық нейрохирургия орталығының нейрохирургі:

Біз 6-8 миллион халқы бар қаладағы жалғыз орталыққа бардық. Үлкен бір қалаға жалғыз бір орталық өте аз.Науқастардың сабырлықпен сол жерге кезекке тұрып сол жерден өзінің ем алуын күткенін соны байқадым.

Олжас Бекарысов, Н. Бәтпеноватындағыұлттықғылыми травматология және ортопедия орталығының директоры:

Босқындардың лагеріне бардық.Құр палатка брезенттен. Еденде бір кілемше ғана. Кішкентай балалар жатады. Бәрі науқас. Әйелдер мен кішкентай балалар да бар. Келгелі бері әуежайдан бастап кеткенге дейін біздің дипломаттар болды.

Ернар Алмабек, блогер, саяхатшы:

Өзім режиссер ретінде гуманитарлық көмекті біздің Қазақстан басқа елдерге апаратыны жайлы деректі фильм түсірсем деген сияқты арманым бір ойым болатын үнемі.

Ернар Алмабек әлеуметтік желіде саяхатшы блогер ретінде танымал. Бұған дейін де Ауғанстан жеріне екі рет саяттаған. Бұл жолы арнайы миссиямен, дәрігерлік құраммен бару туралы ұсыныс түскенде бас тартқан жоқ. Осы сапар туралы арнайы деректі фильм әзірлеп жатыр.

Ернар Алмабек, блогер, саяхатшы:

Біздің дәрігерлерге деген құрметіміз осы сапардан кейін еселене түсті. Өйткені біз деген қандай елде және қандай керемет мамандарымыз бар екенін көзіміз жетіп қайтты. Ол жақтың дәрігерлері далалық әскери жағдайда қызмет көрсетіп жатыр деуге болады.Аурхананың сыртында ол жақта біздегідей орындықтар аз болғандықтан сыртта күтетін адам көп екен. Кәдімгідей жерге көрпе жастығын төсеп тастап сол жерге түнеп сондай адамдар болды. Сол кісілер тұрып алдымыздан шығып «біз естіп жатырмыз жаңалықты» алғыс айтқан адамдар көп болды.

Ауғанстандағы гуманитарлық миссия Қазақстан дәрігерлерінің кәсібилігін дәлелдеген сапар болды. Қиын жағдайдың өзінде олар жергілікті халыққа сенім ұялатып, сәтті оталар жасап, өз қызметтерін атқара алды. Осындай мықты мамандарды көріп, саладағы қордаланған проблемаларға ішің ашиды. Басқару мен үйлестіру де сауатты және мөлдірге жақын болуға не кедергі деген сұрақтарға көміліп отырғаның.