«Абай салбурыны – 2025» құсбегілер турнирі өтті
Абай облысы, Жидебай қорығында, республикалық құсбегілер турнирі өтті. «Абай салбурыны – 2025» дүбірлі додасына еліміздің 9 облысы мен үш қаласынан құсбегілер жиналды. Төл өнерді дәріптегендер Ұлы ақын құс салған даланы дүбірге бөледі.
Шараны ұйымдастыруға Қазақстан Бүркіт федерациясы қолдау көрсеткен. Абай Құнанбайұлының 180 жылдығына орайластырылған бәсеке, Жидебай төріндегі «TauKum» этно ауыл кешенінде өтті. Өртең тауының бауырында қыран баптағандар ителгі мен қаршығаны қоянға салып, қыран- бүркітті түлкі мен қарсаққа түсірді.
Әзен Шаймардан, құсбегі:
Төл өнеріміз енді бұрынға қарағанда едәуір жоғары деңгейде дамыды. Алғашқы кездерде 10-20 бүркітші үлкен ақсақалдар ғана болған. Қазіргі жағдайда жастарымыз көбейді. Қазақтың төл өнері, төл мұрасы болғаннан кейін бүркітшілік деген өте қасиетті нәрсе.
Уақыт өткен сайын жарысқа қатысушылар да көбейіп келеді. Әсіресе төл өнерге ден қойған жас құсбегілердің артқандығы қуантады-дейді ұйымдастырушылар.
Тәттімбет Кәпұлы, облыстық бүркітшілер қауымдастығының президенті:
Аспанымызда қыранымыз шаңқылдап, жерде тазымыз бауырын жазып жүгіріп жатудың өзі бабадан қалған бір мирас.Қаншама жерден қырандарын көтеріп келген бауырларымыз, ағаларымыз, Алматыдан келген қарындастарымыз қазір қыз балаларымыз да құсты көтеріп ендігі қалған ұрпаққа кейінгі ұрпаққа қалдырсақ деген ойымыз.
Салбурында ұлттық ойындар да дәріптелді. Құмай тазы жүгірткендер арасынан да мықтылар анықталды. Жиналған қауым театрландырылған көріністі тамашалап, өнерпаздар ән мен жырдан шашу шашты.
Берік Уәли, облыс әкімі:
Мемлекет басшысы Қасым-Жомарт Кемелұлы Тоқаев «Тәуелсіздік бәрінен қымбат» атты мақаласында: «Ұлттық болмысымыздан, төл мәдениетіміз бен салт-дәстүрімізден ажырап қалмау –барлық өркениеттер мидай араласқан аласапыранда жұтылу қаупінен сақтайтын ең басты қалқан ұлттық құндылықтар мен озық дәстүріміз екенін атап өткен болатын.
Дода нәтижесінде құмай тазы жүгірткендердің арасынан Үржарлық саятшы үздік атанды. Қаршыға мен ителгі сайысынан Жамбыл облысының құсбегілері көш бастады. Бүркіт баптағандар арасынан бірінші орын Астаналық құсбегіге бұйырды.
Жеңімпаздар арнайы диплом мен қаржылай сыйлыққа ие болды.
Автор
Ержан Жақып
Сондай-ақ оқыңыз
Барлығы
Қарағанды облысының 30 мектебінде заманауи спорт алаңы ашылды
29.11.2025, 17:23
Ауыл балаларының арасында республикалық олимпиада өтіп жатыр
29.11.2025, 17:21
Болашақ жұмыс мамандардың чемпионаты өтті
29.11.2025, 17:19
Криминалист полиция қызметкерлерінің бір күні
29.11.2025, 17:15
Польша фильмдерінің «Висла» фестивалі басталды
29.11.2025, 17:10
Қазақ инженерінің жобасы АҚШ-та үздік атанды
29.11.2025, 17:08
Таиланд Қазақстанның ауыл шаруашылығы өнімдерін тұрақты түрде сатып алмақ
29.11.2025, 17:08
Алматының жаңартылған бас жоспары таныстырылды
29.11.2025, 17:05