ЖИ мұғалімдердің жұмысын 40 пайызға жеңілдетіп отыр

Сандық дәуірдегі жасанды интеллекттің білім беруде тиімділігі қандай? Осы және өзге де өзекті сауалдар «Құндылыққа негізделген білім беру: Адал азамат тұлғасын қалыптастыру жолдары» атты республикалық конференцияда ортаға салынды. Оған шетелдік спикерлер, еліміздің педагогтері мен ғалымдары онлайн қосылып, барлығы 250-ден астам баяндама оқылды. Қатысушылар құндылыққа негізделген білім беру тақырыбында қолданып жүрген тәжірибелерін бөлісті. Жиналғандардың сөзінше, жасанды инетеллект бүгінде мұғалімдердің жұмысын 40 пайызға дейін жеңілдетіп отыр, осы ретте ең басты ресурс – адал азамат қалыптастыру дейді.

Алима Қисымова, педагогика ғылымдарының кандидаты:

Жасанды интеллектті тек қана білімде пайдаланып жатқан жоқ қой, оны өндіріске де, басқаға да пайдаланып жатырмыз ғой, ол бүгінгі біздің айналып өтуге болмайтын, пайдаланбай жауып тастауға болмайтын бір мүмкіндік, енді бұл мүмкіндік бірақ бұл қауіпті. Сол қауіпті ортада менің балам қауіпсіз тіршілік ете алатындай мүмкіндік туғызу – бүгінгі біздің мақсатымыз.