Сүйектен түйін түйетін шебер Маңғыстауда тұрады

Маңғыстаулық Алдаберген Тіленбаев сүйек ою өнерін жаңғыртып келеді. Ол 20 жылдан бері түйенің сүйектерін жинап, кәдесый жасайды. Үйге сәндікке ілетін картина іспетті туындылары әсіресе шетелдіктер арасында сұранысқа ие. Машақаты көп, әркім айналыса бермейтін өнерді дамытып жүрген шебермен тілшіміз Аягөз Оралбайқызы кездесіп қайтты.

- Түйенің жілігін пайдаланамын көбіне. Осы жіліктерді ет дүкендерінен сатып әкелдім.

Енді сүйек ою өнері қазақта бұрыннан бар ғой, айналысты кезінде. Сол тас дәуіріне дейін де сүйекпен айналысқан. Соны қызығып қарап, бірақ үйрететін әлеуметтік желіде ешқандай мағлұмат болмады. Өзім іздендім. Болашақта тұрмысқа керекті заттар жасағым келеді. Жалпы мынандай жұмыстар бұны әсемдеп, рамкіге салып,безендіріп, үйге ілетіндей етіп дайындаймын.

Шебер туындыларына Маңғыстаудың көрікті жерлерін, салт-дәстүрі және тарихы бейнеленген суреттер салады. Мысалы мынау түйенің жпауырыны. Мұнда шаңырақ, отбасының ұйтқысы – әйел және Бозжыра тауы салынған. Сүйекті дайындап, осы композицияны салуға 1 апта жұмсалған.