Қарағанды облысында «Құқықтық тәртіп әліппесі» акциясы өтті

Қарағанды облысында «Құқықтық тәртіп әліппесі» атты кең көлемді танымдық акция басталды. Жоба аясында қатысушылар полицияның тергеу, криминалистика, ювеналдық полиция, көші-қон және жедел басқару орталығы сынды 11 бағыттағы қызметімен танысты. Әр бөлімшенің құқықтық тәртіпті қамтамасыз етудегі рөлі іс жүзінде көрсетілді. Барлық бөлімшелердің тарихи еңбектері де айтылды. Жобаның негізгі мақсаты - полиция қызметінің ашықтығын арттырып, қоғаммен байланысты күшейту, - дейді ұйымдастырушылар.

Сұңғат Әбілқас, облыстық патрульдік полиция батальоны командирінің орынбасары:

Қарағанды – Қарқаралы – Аягөз тас жолына шықтық. Бұл жол күрделі жөндеуден өтті. Біздің жасақтар таңғы 7, кешкі 7 дейін қызмет атқарады. Жұмыс барысында жолды қарап, кемшіліктерді кезекші бөлімге жіберіп отырады.