О.Бектенов көлік саласын дамыту мәселелері бойынша кеңес өткізді

Қазақстанның азаматтық авиациясын дамытуға арналған 3 жылдық жоспар әзірленді. Құжат бүгін көлік саласын дамыту мәселелері бойынша өткен кеңесте Премьер-министрге таныстырылды. Жоспарда Халықаралық стандарттарға сәйкестікті қамтамасыз етуге ерекше назар аударылған. Биыл бұл көрсеткіш елімізде 97,5 пайыз. Бұл жалпы әлемдік және Еуропалық орташа деңгейден де жоғары. Алдағы уақытта әуежай және навигациялық инфрақұрылымды жаңғырту, халықаралық және ішкі маршруттық желіні кеңейту бойынша ауқымды жұмыс жүргізілмек. Жиында Астана және Алматы қалаларының әуежайлары базасында аэрохабтарды дамыту мәселелері талқыланды.